Kuch Pyaar..Kuch Mohabbat

Kuch pyaar..kuch mohabbat..
Kuch shikwa..kuch shikayat..
Kabhi dhoop..kabhi chaya..

Kabhi ghane badlon mein inderdhanush ka saya..

Kuch hansi..kuch muskurahat..
Kuch aansoo..kuch hichkichahat..
Kabhi haseen nagme..kabhi udas ghazal..
Kabhi unki shuruwat..kabhi hamari pahal..

Kuch samundri toofan..kuch shant sahil..
Kuch dhoondhli raahein..kuch nazdeek manzil..
Kabhi na koi raah na humsafar..
Kabhi anjani dagar par bhi mastana safar...

Kuch honthon ke chumban..kuch badan ki kapan..
Kuch bekhudi..bekarari..Kuch ajeeb sa deewanapan..
Kabhi itne paas ki unhe chu len hum..
Kabhi itne door..ki dil sun aur aankhen nam..

Kuch tez raftaarein..kuch thame se kadam..
Kuch akele se wo..kuch adhoore se hum..
Kabhi bandiishon mein uljhe..kabhi tode den zamane ke bandhan..
Kabhi hathon mein hath hum saath chalen..kabhi akele peeche reh jayen hum

Kuch khayal..kuch khwab..
Kuch jazbaat..kuch alfaaz..
Badi fursat se maine chante hain..
Kabhi phoolon se bhara daman..kabhi chand sukhe kante hain..