My Best Friend

Ek ladka hai bhola bhala sa...
Thoda gusse wala..par fir bhi bahut pyara sa...

Gehri kali aankhen uski..Jane kitne khwab samate bhaithi hain..
Wo bole ya na bole..wo aankhen khamosh reh kar bhi bahut kuch kehti hain...

Wo masoom sa chehra uska..Hamesha muskurata rehta hai..
Par gaur se dekho toh lagta hai ki apni hi alag duniya mein behta hai...

Wo muskurata chehra..wo hansti aankhen..
Na jane unme kitne dard..kitni baatein...

Uski aankhon aur chehre ke peeche ki gehrai mein jab jhanka maine...
Usme apna hi ek aks paya maine..

Bheed mein hote huye bhi kuch tanha se hum..
Sath hote huye bhi kuch juda se hum...

Usse mera nata..shayad shabdon mein byan na ho..
Par wo hai toh sab kuch..wo nahi toh fir aur kuch bhi ho ya na ho...

Uski khushi duaon mein iss kadar mangi hai maine..
Ki ab main sirf hath uthati hun..dua farishte khud samajh jate hain...!!